Германскиот канцелар Фридрих Мерц го покани шефот на Кремљ, Владимир Путин, на приватна средба со украинскиот претседател Володимир Зеленски.
– Сега е ред на Москва. Ако рускиот претседател е сериозен во врска со прекинувањето на убиствата, тогаш ќе ја прифати понудата. Ако руската страна не го преземе овој чекор, тогаш ќе биде потребен уште поголем притисок – рече Мерц по средбата со канадскиот премиер Марк Карни во Берлин, според „Шпигел“.
Тој истакна дека ЕУ работи на воведување нов пакет санкции против Русија.
– Американскиот претседател Доналд Трамп, кој му даде рок на Путин од две недели пред десет дена, не исклучи понатамошни казнени царини. Ако таков состанок не се одржи, како што е договорено меѓу Трамп и Путин, тогаш топката е назад во нашиот двор. Мислам на Европејците и Американците – рече Мерц.
Како што изјави, трилатералниот состанок меѓу Трамп, Путин и Зеленски би бил „следниот логичен чекор“.
Мерц спомена дека разговарал и за безбедносните гаранции на двете земји од НАТО со премиерот на Канада.
– Ова се безбедносни гаранции кои, пред сè, мора да имаат за цел да ѝ овозможат на украинската армија да ја брани земјата на долг рок – нагласи Мерц.
Коментирајќи ја можноста за стационирање западни копнени трупи во Украина, тој нагласи дека „сите понатамошни прашања можат да се постават само по мировниот договор“.