Инцидент се случи попладнево во училиште во Мајнцерштрасе во Берлин-Нојкелн. Како што пренесува „Билд“, две девојчиња (на возраст од 7 и 8 години) биле избодени со нож во евангелистичкото училиште Нојкелн. Едното девојче е во критична состојба, а другото во тешка состојба. И двете со хеликоптер се пренесени во болница.
Според првичните информации, многу деца кои биле сведоци на злосторството биле истрауматизирани. 39-годишниот напаѓач е уапсен.
Според првичните информации, се вели дека сторителот е ментално болен и нема некаква поврзаност со жртвите. По нападот ја чекал полицијата на лице место и се предал.
Задниот влез во училиштето бил блокиран од полицијата, додека родителите кои чекале да си заминат децата дошле напред. На децата прво не им било дозволено да излезат од зградата, но околу 17 часот конечно биле пуштени.
Во 17 часот децата биле изнесени од училиштето. Многумина плачеа. Родителите можеа повторно да ги прегрнат своите деца и плачеа со олеснување. Се наведува дека во моментот со жртвите во болница се и две учителки.
Градоначалникот на областа Нојколн, Мартин Хикел, бил шокиран и „длабоко погоден“ од нападот врз двете ученички.
„Во моментов размислувам за двете повредени деца и многуте кои мораа да го видат тоа што се случило“, напиша тој на Фејсбук.
Загрижена е и сенаторката за образование од Берлин, Катарина Гинтер-Вунш (ЦДУ). Таа се упати кон училиште за да дознае за ситуацијата на лице место.