Иранскиот министер за надворешни работи, Абас Аракчи, денеска ги обвини Соединетите Американски Држави, наведувајќи дека воздушните напади врз виталната инфраструктура на Иран и заканите за напади врз мостови и електрани ја покажуваат „криминалната намера на американското раководство да изврши грозоморни злосторства“.
Тој ги опиша американските напади како „несомнено грубо кршење на Повелбата на ОН и на основните принципи на меѓународното право“, пренесува Ал Џезира.
Аракчи истакна дека нападите претставуваат „тешки меѓународни злосторства“ според основните принципи на меѓународното кривично право, вклучително и четирите Женевски конвенции од 1949 година, додавајќи дека „сите влади се должни да ги гонат и казнат сторителите на овие злосторства“.