Кралот Чарлс е именуван за шеф на Австралија и Нов Зеланд

Од:

Кралот Чарлс беше официјално именуван за шеф на Австралија и Нов Зеланд на церемониите кои се одржаа во неделата во главните градови на тие земји.

Во Нов Зеланд, парламентот во Велингтон го прогласи Чарлс за монарх, на местото на кралицата Елизабета, која почина во четвртокот на 96-годишна возраст.

Зборувајќи од скалите на Парламентот, премиерката Џасинда Ардерн им рече на толпата дека со смртта на кралицата, Нов Зеланд влезе во време на промени.

„Кралот Чарлс постојано ја покажува својата длабока грижа за нашата нација“, рече таа. „Нашите луѓе длабоко ја ценат оваа врска, не се сомневам дека ќе се продлабочи“.

Во Австралија, генералниот гувернер Дејвид Харли, претставник на британскиот монарх во Австралија, го прогласи кралот Чарлс за шеф на државата во Парламентот во Канбера. Прогласот беше одбележан со истрелување на 21 топ.

Британскиот монарх е шеф на државата во Австралија, како и во Нов Зеланд, иако неговата улога е главно церемонијална.

Претходно, австралискиот премиер Ентони Албанес рече дека национален ден на жалост за кралицата ќе се одржи на 22 септември. Албанец рече дека ќе отпатува за Лондон во четврток, ќе присуствува на погребот на кралицата на 19 септември, а потоа ќе се врати во Австралија на 21 септември.

Би можело да ве интересира

Малку познати детали од животот на кралот Чарлс Трети

Горан Наумовски

Што сè наследи новиот крал на Велика Британија?

Заврши и вториот дел од прогласувањето на кралот Чарлс Трети за крал на Обединетото Кралство

Горан Наумовски