Во главниот град на Аргентина започна судењето на седумте здравствени работници обвинети за невнимание при лекувањето на познатиот аргентински фудбалер Диего Армандо Марадона, кој почина за време на лекувањето.
“Así murió Diego Maradona”
durante el juicio la querella mostró una foto del 10, que recorre el mundo, estaba hinchado pic.twitter.com/TBIL9y1hBH— 𝗔𝗡𝗚𝗘𝗟 fan (@AngeldeBrit_ok) March 11, 2025
Популарниот „Ел Пибе“ почина на 60-годишна возраст, откако срцето му застана за време на процесот на опоравување од операција на мозокот.
Обвинителството смета дека лекарите кои се грижеле за него биле несовесни и дека смртта на Марадона можела да се избегне.
Обвинети се седум здравствени работници, меѓу кои неврохирург, психијатар и психолог, а секој од нив се соочува со казна затвор до 25 години.
На првото рочиште, кое се одржа во Буенос Аирес, беше забележана исклучително трогателна сцена.
Обвинителот Патрисио Ферари предизвика вистински шок кај присутните кога покажа фотографија од Марадона во последните моменти пред неговата смрт.
„Вака умре Марадона“, рече Ферари додека ја држеше фотографијата во раката.
„Правото на вистината е човеково право и денес Диего Армандо Марадона, неговите деца, роднините, најблиските и аргентинскиот народ заслужуваат правда“, изјави Ферари.
Ќерките на Марадона Далма и Џианина се расплакаа.
Самото доаѓање на обвинетите во судницата беше проследено со протести на луѓето кои се собраа да го поддржат семејството.