Жозе Мурињо, еден од најдобрите тренери во историјата на фудбалот, откри за кого ќе навива во финалето на Лигата на шампионите на 31 мај во Минхен.
“I didn’t want them to win the treble, the treble is mine” 😂
Never change, Jose 😅 pic.twitter.com/9eK0Dn4uey
— Sky Sports Football (@SkyFootball) May 27, 2025
Потоа Пари Сен Жермен и Интер, кои неочекувано стигнаа до борбата за титулата, ќе ги одмерат силите и се очекува вистински спектакл во финалето.
Мурињо е последниот тренер кој го освоил трофејот од Лигата на шампионите со италијански клуб, откако тој успех го постигна со Интер во 2010 година. Исто така, Португалецот е сè уште единствениот тренер кој ја освоил тројната круна со италијански клуб – Серија А, Купот на Италија и Лигата на шампионите.
Интер беше многу блиску до таков подвиг оваа година, но Наполи беше за влакно подобар во Серија А, додека Болоња го освои трофејот во Купот на Италија.
„Ќе бидам многу лош, но исто така и многу искрен. Се грижев дека Интер може да ја освои тројната круна бидејќи не го сакав тоа – тројната круна е моја“, изјави Мурињо за „Скај“.
Бидејќи Интер не успеа да го освои трофејот во Италија, сега Мурињо може да го поддржува италијанскиот тим во Лигата на шампионите.
„Но, сега кога го загубија првенството и Купот на Италија, би сакал да ја освојат Лигата на шампионите. Секако, Луис Енрике одлично ја врши работата во Париз. Тој го трансформираше тимот, тие го загубија, на пример, својот најдобар играч, но сè повторно изградија на фантастичен начин. Значи, ако Луис победи, и јас ќе бидам среќен за него“ – рече Мурињо.