Претседателот на САД Доналд Трамп денеска за првпат ја искоментира ситуацијата во Белорусија и протестите против претседателот Александар Лукашенко по претседателските избори во земјата.
Според него таа е „ужасна“ и Вашингтон внимателно следи што се случува во Белорусија.
Белорускиот претседател Александар Лукашенко денеска изјави дека ќе прифати предавање на власта под услов промена на Уставот преку референдум, во обид да ја смири напнатоста во земјата по масовните протести и општите штрајкови предизвикани од незадоволството поради неговото 26-годишно владеење.