Хрватска: Голем пад на БДП, економијата во минус од десет проценти во третиот квартал

Од:

Хрватската економија падна за 10 проценти во третиот квартал во споредба со истиот период во 2019 година, што најмногу се должи на падот на личната потрошувачка, покажа денешната прелиминарна проценка на Централното биро за статистика.

Овој пад, според агенцијата Хина, е помал во однос на рекордниот минус од 15,4 проценти во вториот квартал.

Ова е втор квартал по ред како хрватската економија паѓа на годишно ниво, што значи дека земјата влезе во својата прва рецесија од 2014 година.