Бразилецот Нејмар (33) доживеа ново искуство по враќањето во Сантос, но второто, како што стојат работите, уште долго ќе го одвои од терените.
Нејмар ја напушти играта во 34. минута од натпреварот против Атлетико Минеиро во 4. коло од бразилската Серија А.
Neymar injured again.
So sad to see 😢pic.twitter.com/GmFjjN00zx
— Al Nassr Zone (@TheNassrZone) April 17, 2025
Сантос победи со 2:0, домашните ги постигнаа двата гола со Нејмар на теренот, и го забележаа првиот триумф, но сега најголема грижа е новата повреда на првата ѕвезда на тимот и прашањето до кога ќе биде надвор од терените.
Нејмар се врати на теренот на претходниот натпревар против Фламенго, а потоа влезе од клупата и играше по шест недели надвор и му беше одобрено од докторот да стартува против Атлетико.
Сè беше подготвено за спектакл – на другата страна беше уште еден ас, Хулк, додека Нејмар на теренот излезе со дресот со број 100 поради толку многу натпревари на „Вила Белмиро“, Сантос водеше со головите во 24. и 27. минута…
Сепак, славјето на домашните навивачи не траеше долго, набргу по вториот гол Нејмар видно почна да се мачи и тешко да се движи.
Не можеше да оди понатаму. Потоа седна на тревата, ја наведна главата. Во солзи го напушти теренот.
Бразилските медиуми пишуваат дека тој ја обновил повредата на бутниот мускул поради која го пропушти претходниот период.