Кој би помислил? Фудбалерите на Борнмаут го победија големиот Манчестер Сити на својот стадион со резултат 2:1 во 10. коло од Премиер лигата и направија големо изненадување.
Ова е четврта победа за Бурнемаут сезонава, додека Манчестер Сити првпат беше поразен и сега ќе заостанува два бода зад Ливерпул, кој по пресврт го победи Брајтон.
Wow! @afcbournemouth defeat the reigning champions!
Man City’s 32-match unbeaten run comes to an end!#BOUMCI pic.twitter.com/YHbVcMYqKM
— Premier League (@premierleague) November 2, 2024
Сè започна во 9. минута, кога Семењо беше брилијантно поставен во шеснаесетникот и ја прими топката, се сврте и ја испрати топката во мрежата на Манчестер Сити.
Навивачите „полудеа“ на трибините и Борнмаут поведе со 1:0.
Долго го чекавме одговорот на Сити. Тоа го искористи Борнмаут во 64. минута, кога Еванилсон одлично реагираше во шеснаесетникот по контра напад и ја протна топката покрај голманот на „граѓаните“.
Можеби Едерсон можеше подобро да реагира во оваа ситуација, но Еванилсон направи се што беше потребно за да постигне гол и да го зголеми водството на 2:0.
Почесниот гол за гостите во светлосини дресови го постигна Хрватот, Јошко Гвардиол кој со глава ја затресе мрежата на Борнмаут и само го ублажи поразот на Сити.