Владата на Сенегал повика на „независна меѓународна истрага“ за „сомневање за корупција“ во врвот на африканскиот фудбал, откако му беше одземена континенталната титула и му беше доделена на Мароко.
Сенегал го победи Мароко со 1-0 во финалето во јануари, но Конфедерацијата на африкански фудбал (CAF) вчера го поништи натпреварот. Причината беше тоа што играчите на Сенегал го напуштија теренот во знак на протест откако домаќинот Мароко доби пенал во судиското продолжение.
Играчите се вратија на теренот по 17 минути од паузата, а обидот за пенал на Брахим Дијас беше одбранет.
Сепак, Сенегал потоа победи со голот на Папе Геј во судиското продолжение.
По жалбата на Мароканската фудбалска федерација (FRMF), CAF одлучи дека Сенегал официјално ќе го изгуби натпреварот, со образложение дека натпреварот е регистриран со резултат од 3:0 во корист на Мароко.
Во официјално соопштение, сенегалските власти ја нарекоа оваа одлука „преседан од екстремна сериозност“, наведувајќи дека се засновала на „очигледно погрешно толкување на прописите, што довело до крајно нелегална и длабоко неправедна одлука“, пренесува „Би-Би-Си“.
„Сенегал недвосмислено го отфрла овој неоправдан обид за одземање на титулата“, соопшти владата.