Фудбалерот на Челзи Цеск Фабрегас е многу блиску пред враќање во шпанската Примера, бидејќи се очекува да потпише договор со Реал Мадрид, објавија тамошните медиуми.
Фабрегас не настапи за Челзи на првиот дуел од новата сезона одигран вчеравечер против Вест Хем. Тој целиот натпревар го преседе на клупата за резервни играчи.
Менаџерите на Фабрегас оствариле првични разговори со претседателот на мадридскиот клуб Флорентино Перез на кого му се допаднала идејата за евентуалниот трансфер.
Доаѓањето на Фабрегас во Реал ќе значи и сигурно заминување на Џејмс Родригез, фудбалер за кого интерес пројавува ПСЖ.
Се шпекулира дека Реал за Фабрегас ќе плати 45 милиони евра.