Претседателот на Камерунската фудбалска асоцијација – Самуел Ето, наводно намерно го изостави Винсент Абубакар од списокот на националниот тим за претстојниот Африкански куп на нации во 2025 година.
33-годишниот напаѓач, кој моментно игра за азербејџанскиот Нефчи ПФК, не е вклучен во списокот на националниот тим за континенталниот турнир што започнува на 21 декември 2025 година во Мароко.
И покрај добрата форма, Абубакар не бил поканет во националниот тим, што предизвикало бројни реакции во фудбалските кругови.
Според британскиот весник „Сан“, Ето, кој како претседател на асоцијацијата има големо влијание врз составот на тимот, наводно донесе одлука да не го пушти Абубакар во селекцијата од страв да не се надмине неговиот рекорд како најефикасен репрезентативец на Камерун.
Абубакар досега постигна 45 гола на 117 настапи за Камерун, додека Ето го држи рекордот со 56 гола на 118 натпревари. Ова значи дека искусниот напаѓач е само на единаесет голови од Ето на листата на стрелци на сите времиња.
Поранешната фудбалска ѕвезда на Барселона, Челси и Интер наводно ја искористи својата позиција за да се осигура дека Абубакар нема да биде дел од тимот за претстојниот турнир.
На Африканскиот куп на нации, Камерун ќе игра во групата Ф со Габон, Брегот на Слоновата Коска и Мозамбик, а првиот натпревар ќе се игра во среда, 24 декември.