Обдукцијата на телата на двете жени кои вчера загинаа при уривање на дрвениот висечки мост во Овчар Бања е завршена и телата во придружба на свештеник треба да пристигнат дома вечерва, изјави градоначалникот на Зворник Зоран Стевановиќ.
Поради смртта на двe сограѓанки денеска во тој град е прогласен ден на жалост.
Стевановиќ рече дека сограѓаните кои не се повредени синоќа се вратиле во своите домови, а од болницата во Чачак денеска треба да бидат отпуштени осум повредени.
Градот Чачак на чело со градоначалникот Милун Тодоровиќ им понудил да им обезбеди превоз за и тие безбедно да стигнат до своите домови“, изјави Стевановиќ за Српскаинфо, кој вчера ги посети повредените во болница.
Тој изрази голема благодарност до Тодоровиќ и сите луѓе во Чачак кои на каков било начин помогнале и ги спасиле жителите од Зворник кои паднаа во вода.