Српскиот премиер Милош Вучевиќ откри дека состанокот на Српската напредна партија во Ниш е откажан.
– Пред 6-7 дена закажавме состанок со граѓаните на Ниш. Сакавме да слушнеме кои се најважните работи, најважните проблеми за најголемиот центар на југоисточна Србија. Но, некои луѓе, токму на денот кога го загубивме 16-от живот, за жал денеска почина и Вукашин, си дадоа за право да го спречат или да не дозволат луѓето што мислат поинаку да го постигнат тоа – рече Вучевиќ.
– Тие што ќе вршат насилство ќе треба да одговараат политички, а некои и криминално – нагласи тој.
Тој нагласи дека тоа е нешто што не е видено во Србија од појавата на политичките партии во 19 век.
– Во Србија завладеа некакво лудило, се случуваат секакви работи, ќе мора да го излечиме најдобро што знаеме. Порака за луѓето во Ниш – Доаѓаме, јас и Ана, наскоро ќе бидеме заедно, на многу поголем собир доаѓа и претседателот на Републиката. Верувам дека не поддржувате и ја разбирате нашата одлука. А оние кои вршат насилство на крајот ќе треба да одговараат. Барем политички, а некои и криминално. Се гледаме наскоро во Ниш на величествен собир – заврши Вучевиќ.