Протест „Студентски едикт“ во Ниш

Од:

Протест на српските студенти насловен „Студентски едикт“ денеска ќе се одржи во Ниш, ќе трае 18 часа – од девет часот наутро до три по полноќ наредниот ден.

Предвидено е студентите да се соберат на четири локации во Ниш, а во 11 часот и 52 минути на плоштадот крал Милан ќе оддадат почит за 15 жртви при падот на настрешницата на Железничката станица во Нови Сад. Меѓу загинатите е и македонскиот државјанин Васко Саздовски.

Второто оддавење на почит за загинатите ќе биде во 23 часот и 52 минути.

Во Ниш пеш, со трчање и на велосипеди уште од синоќа пристигнаа студенти од Белград, Нови Сад, Крагуевац, Краљево, Ужице, Чачак, Бор, Бујановец и други српски градови, а денеска се очекува да им се придружат и поголем број граѓани.

Студентите во Србија почнаа со протести, блокади и дефинираа четири барања по уривањето на настрешница на Железничката станица во Нови Сад на 1 ноември, при што загинаа 15 лица, а две беа тешко повредени.

Блокадите и протестите се интензивираа откако на 22 ноември во Белград беа нападнати студентите на Факултетот за драмски уметности за време на 15-минутната блокада. На студентите им се придружија и наставниците, адвокатите и граѓаните.

Студентите бараат објавување на целосна документација за реконструкција на железничката станица во Нови Сад; отфрлање на обвиненијата против студентите и младите уапсени и приведени за време на протестите поради уривањето на настрешница на железничката станица во Нови Сад; поднесување кривични пријави против напаѓачи на студенти и професори и нивно гонење и зголемување на средствата од српскиот буџет за материјални трошоци на државните високообразовни институции за 20 отсто.

Студентите тврдат дека ниту едно нивно барање не е исполнето.

Би можело да ве интересира

Полиција: Нема веќе сообраќајна блокада кај Ужице, граѓаните што го блокираа патот ќе бидат законски гонети

Протести и блокади низ Србија: Студентите ги повикуваат граѓаните да го блокираат главниот град од 7 часот

Горан Наумовски

Од вечерва, студентите имаат нова, сосема неочекувана стратегија: Еве што опфаќа акцијата „Маричка“

Нови блокади на раскрсници во Нови Сад од 19 часот

Студентите најавуваат целосна блокада на Белград и Нови Сад

Продолжуваат протестните блокади во Белград по полициската акција

Горан Наумовски