Изјавата на Марго Роби на премиерата на „Оркански висови“ во Лос Анџелес предизвика вистински бран реакции на социјалните мрежи. На црвениот тепих, актерката, зборувајќи за тоа со кого планира да го гледа новиот филм, го спомена својот сопруг – но додаде и реплика што им го привлече вниманието на многумина.
35-годишната Роби изјави дека најмногу би сакала да го гледа филмот со своите пријатели, а потоа на Денот на вљубените со својот сопруг… „или кој и да е“, што веднаш предизвика шпекулации кај обожавателите, пишува „Дејли меил“.
Роби, која е и продуцентка на филмот преку нејзината компанија „ЛукиЧап Ентертејнмент“, објасни зошто драмата доаѓа во кината на 13 февруари, денот пред Денот на вљубените.
@hollywoodreporter #MargotRobbie thought #WutheringHeights would be "perfect" for a #ValentinesDay ♬ original sound – The Hollywood Reporter
„Ако мене ме прашувате, би одела со сите мои пријатели во петок навечер, би пиела коктели, можеби малку би се бакнала. А потоа на Денот на вљубените би одела со мојот сопруг… или кој и да е. Се чинеше како совршен викенд за излегување на филмот“, рече таа.
Видео од нејзината изјава, објавено на TikTok од The Hollywood Reporter, брзо стана вирално, со коментари што се ширеа. „Дали се во отворен брак или…?“, „Кутриот сопруг“, „Мојот сопруг или Џејкоб Елорди, кој било???“, „Сопруг или кој било, хахаха“, напишаа корисниците.
Некои, исто така, се потсетија на нејзиниот хит Барби од 2023 година, поврзувајќи ја нејзината изјава за излегување со пријатели со познат цитат од филмот. „Ова ме потсети на Барби и нејзината реплика: „Вечерва е женска вечер““, напиша еден обожавател.
Марго Роби и нејзиниот сопруг Том Акерли се запознаа на снимањето на филм во 2013 година, а наскоро заедно основаа продуцентска компанија. Тие се венчаа во тајност во 2016 година, а во октомври 2024 година добија син чие име не беше јавно откриено.
Неодамна, изјавите на Роби и нејзиниот колега во филмот, 28-годишниот Џејкоб Елорди, исто така привлекоа големо внимание. Актерот претходно изјави дека тој и Марго „се снашле“ брзо на снимањето и дека меѓу нив имало посебна енергија, дури и „заемна опсесија“.
Таа се присети дека Елорди постојано била некаде во нејзина близина во текот на првите неколку дена од снимањето. „Се сеќавам на првите неколку дена дека тој секогаш беше таму некаде во близина – гледајќи од страна“, рече таа. Додаде дека кога го немало, се чувствувала „навистина вознемирено и изгубено – како дете без своето ќебе“.