Судењето на Шон Комбс – Диди е во полн ек, а на едно од последните рочишта, 55-годишниот рапер беше опоменат од судијата за неговото однесување. Откако поротата излезе од судницата за време на ручекот, судијата Арун Субраманијан се закани дека ќе го исфрли Диди од судницата поради неговите гримаси на лицето.
Тој доби опомена затоа што климаше со главата додека сведоците ги даваа своите сведоштва, а судијата го нарече тоа „тотално неприфатливо“. Судијата му објасни на адвокатот на Диди, Марк Агнифило, дека јасно му кажал дека не сака никакви изрази на лицето во судницата.
Кога го прашаа дали неговиот клиент ќе продолжи со таквото однесување, Агнифило одговори: „Не, тоа нема да се случи повторно“.
„Ако се случи повторно, ќе им дадам инструкции на поротниците или вашиот клиент може да биде отстранет од судницата“, одговори судијката.
Според судската карикатуристка Џејн Розенберг, Комбс покажувал изрази на лицето на поротниците од почетокот на судењето.
Таа додаде дека тој се обидел да комуницира со поротниците од различни делови на судницата, во зависност од тоа кој сведочел и што зборувале.
Како што повеќето од вас веќе знаете, Диди, чие вистинско име е Шон Комбс, моментално е на суд откако беше обвинет за рекетирање и трговија со луѓе во 2024 година.
Откако Комбс беше уапсен минатиот септември во хотелот Парк Хајат на Менхетен, Њујорк, тој тврди дека е невин и ги негира сите обвиненија.
Од почетокот на судењето пред неколку недели, сведочеа бројни сведоци, вклучувајќи ја и неговата поранешна девојка Касандра Кеси Вентура, која го обвини за физичко малтретирање за време на нивната врска.