Холивудскиот актер Брус Вилис се соочува со болест за која нема лек.
Неговата втора сопруга, Ема Хеминг, неодамна откри дека познатиот актер повеќе не живее со своето семејство, туку е сместен во друга куќа на истиот имот, каде што му е обезбедена 24-часовна нега, а во книгата „Неочекувано патување“ таа даде ексклузивна исповед за ова искуство.
„Смртта автоматски се поврзува со пропаст и загуба, со непознатото. Повеќето луѓе се чувствуваат непријатно поради тоа. Тоа е табу тема“, пишува Ема Хеминг во нејзиниот водич за нега, „Неочекувано патување“, кој стана бестселер.
Книгата е напишана додека таа се соочуваше, и сè уште се соочува, со најтешкиот период од нејзиниот живот – нејзиниот сопруг Брус Вилис страда од фронтотемпорална деменција за која нема лек, поради што, мора да се подготви за најлошото. И таа и целото семејство.
Долго време избегнуваше да размислува за оваа болна и неизбежна тема.
„Мислам дека е така затоа што никој не ме научи како да се справам со тагата. Но, болеста на Брус ме натера да се соочам со неа. Свесна сум дека деменцијата е неизлечива и до што на крајот води“, вели 47-годишната Ема.
„Луѓето со фронтотемпорална деменција живеат во просек од седум до тринаесет години откако ќе се појават првите симптоми“, рече таа, додавајќи дека мозокот на Брус Вилис ќе биде дониран.
Веројатно тоа го одлучи самиот актер додека сè уште можеше да размислува, со оглед на тажниот факт дека болеста брзо напредува, бришејќи му ги сеќавањата и лишувајќи го од моќта да зборува и да оди.
„Сметам дека таквата донација е неверојатно важна. Таа ќе придонесе за напредокот на истражувањето, третманот, а можеби и еден ден за откривање на лек, не само за ова, туку и за други невродегенеративни болести како што се Алцхајмеровата и Паркинсоновата болест“, истакна таа.