Милијардерот Павел Дуров, основач и извршен директор на Телеграм, планира да им го остави своето богатство на своите деца, кои се повеќе од 100, вклучувајќи шест со три различни партнери и повеќе од 100 зачнати преку донација на сперма.
Дуров сака неговите деца да почекаат 30 години пред да пристапат до неговото богатство од 13,9 милијарди долари и не прави разлика помеѓу деца зачнати природно и преку ин витро оплодување (ИВФ).
Дуров, во интервју за „Ле Поинт“, рече дека е официјален татко на шест деца со три различни партнери и дека почнал да донира сперма пред петнаесет години и оттогаш има над 100 деца на тој начин.
„Сакам да разјаснам дека не правам разлика меѓу моите деца: има такви што се зачнати природно и такви што потекнуваат од мои донации на сперма. Сите тие се мои деца и сите ќе имаат исти права“, изјави тој за францускиот весник.
40-годишниот тајкун е познат по провокативното однесување, вклучително и кога им честиташе Велигден на своите 11,1 милиони претплатници на Телеграм со слика без маица.
Секое утро прави 300 склекови по ред, проследени со 300 стомачни вежби, избегнувајќи алкохол, кафе и чај, рече тој.
„Неодамна го напишав мојот тестамент. Решив моите деца да немаат пристап до моето богатство додека не поминат триесет години, почнувајќи од денес“, рече тој.