Шпанскиот актер Хавиер Бардем изјави дека нема да соработува со компании кои соработуваат со Израел и поддржуваат геноцид. Бардем предизвика бура на вчерашното доделување на наградите Еми, каде што се појави со палестинска кефија околу вратот и порака која одекна низ целиот свет.
Еден од најпознатите европски актери јасно стави до знаење дека одбива да соработува со компании кои соработуваат со Израел.
– Нема да соработувам со компании кои соработуваат со Израел. Едноставно нема да работам. Не можам да соработувам со некој што оправдува или поддржува геноцид. Не можам. Толку е едноставно. И не треба да го правиме тоа во оваа индустрија, ниту во која било друга. Денес во Мадрид, Шпанија, велосипедската трка „Ла Вуелта“ беше запрена од илјадници и илјадници луѓе кои маршираа по улиците, велејќи дека не можеме да дозволиме израелскиот тим да учествува во оваа трка и да ја прикрива ситуацијата. Не. Светот се промени. И она што го гледаме е геноцид во живо, на дневна основа. Ова мора да престане – рече Бардем.
Неговата изјава дојде само неколку дена откако повеќе од 3.900 филмски работници потпишаа отворен апел наречен „Филмски работници за Палестина“.
Во него, потписниците се обврзуваат да не соработуваат со израелските институции и продукции кои, како што тврдат, учествуваат во „геноцид и апартхејд против палестинскиот народ“.
Бардем, познат по своите улоги во филмовите „Нема земја за старци“ и „Љубов во Барселона“, сега стана симбол на борбата на уметникот за палестинскиот народ.
Неговата порака одекна низ целиот свет, а холивудската сцена беше потресена.