Американската актерка Анџелина Џоли ќе ја игра улогата на Зара во филмската адаптација на книгата „Анксиозни луѓе“ од Фредерик Бекман, објави денес „Дедлајн“.
Бекман, автор на романот „Човек по името Уве“, ја сподели веста на својот Инстаграм профил, изразувајќи го своето задоволство од вклученоста на Џоли во проектот.
„Можноста да ја предадам [Зара] на Анџелина Џоли, која има длабочина и ширина како актерка што не можам да ја споредам со ништо друго, е еден од најголемите, големите моменти во мојата кариера“, рече Бекман.