По првото пријавување од јунскиот уписен рок за новата учебна 2018/2019 година во трите средни општински училишта во Струмица се запишале вкупно 723 ученици.
Од нив 249 ученици се запишале во СОУ „Јане Сандански“, 201 во СОУ „Димитар Влахов“ и 273 во СОУ „Никола Карев“.
По првото пријавување и запишување во јунскиот уписен рок, во трите средни училишта останати се слободни 572 места.
Најголем интерес годинава завршените основци покажале за медицинските паралелки во СОУ „Димитар Влахов“, за образовните профили електротехничар за КТА и автотехничар-мехатроничар во СОУ „Никола Карев“ каде што нема слободни места. За образовните профили поледелец во СОУ „Димитар Влахов“ и електричар-електромонтер и монтер за сува градба во СОУ „Никола Карев“ не се пријавил ниту еден ученик.
Второто пријавување во јунскиот уписен рок е на 28 јуни.