Штипјани денеска во организација на Здружението на граѓани почитувачи на делото на Тодор Александров, ја одбележаа 89-годишнината од смртта на некогашниот лидер на ВМРО.
За прв пат на Александров му се поклони и Јохан Тарчуловски.
На панихидата присуствуваа и пред спомен плочата се поклонија и министерот за образование и наука, Спиро Ристовски, поранешниот министер за надворешни работи Антонио Милошоски, градоначалникот на Штип Илчо Захариев, претседателот на Советот Влатко Миташев, претседателот на ОК на ВМРО-ДПМНЕ Никола Мицевски и други почитувачи на делото на Александров.
Делегациите положија цвеќе во знак на спомен, без при тоа да го коментираат присуството на претставници на бугарското ВМРО, кои пред нив беа на спомен плочата на Александров, на покана од ВМРО-Народна партија од Македонија.