(ВИДЕО) Коњ тепан и влечен по земја, откако падна на улица во Велес

Коњ кој се користел како превозно средство бил малтретиран во Велес, откако паднал на улица влечејќи товар. Според снимката, причината е дехидрираност на животното. Двете лица, кои се превезувале во приколката која коњот ја влечел, го удирале животното, на што изреагирал граѓани кои биле во близина.

„Што правиш, што го маваш? Што не му дадеш вода да пие и да јаде? Од што ќе падне, што мислиш? Вода се нема напиено, остај го. Остај го бе“, на што едно од лицата кое го малтретираат коњот вели: „Ништо не му“, но и покрај ова, авторот на видеото му вели: „Остај го, како ништо не му е! Остај го бе! Остај го да му донесам вода“, а на ова, лицата кои го малтретираат викаат: Абе ќе стане“.

Здруженијата за заштита на животните изминативе години во континуитет реагираат и бараат заштита на коњите кои се почесто се злоупотребуваат и користат како превозно средство или средство за влечење товар. Иницијатива за спречување на ваквите случаи е доставена и до надлежните институции. Вакви снимки од коњи кои се оставени да умираат низ улиците имаше и изминативе години.