Претседателот на Собранието на Република Македонија Трајко Вељаноски денеска испрати телеграма со сочуство до претседателот на Претставничкиот дом на САД Џон Бејнер, за нападот во Бостон.
– Со големо жалење ја примив веста за големата несреќа што се случи во Бостон, во која животот го загубија невини луѓе. Ништо не може да ја ублажи болката по загубата на најблиските.
– Сочувствувам со Вас во овие тажни моменти и длабоко жалам за загубените животи во оваа голема трагедија. Посакувам брзо да ја надминете болката, иако тагата за изгубените животи ќе биде вечна, се наведува во телеграмата што Вељаноски ја упати до Бејнер и граѓаните на САД.