Воздухот и денеска загаден во Тетово, Скопје, Битола и Кавадарци. Концентрациите на ПМ10 измерени во текот на ноќта на мерните станици во овие градови се движат од 264 до 996 микрограми на метар кубен.
Најзагадено е во Тетово каде што повеќе часови концентрациите не паднаа под 900 микрограми, а максималната измерена е 996 микрограми. Во Битола во текот на ноќта максималната концентрација достигнала 577. Во Скопје најзагадено ноќеска било во Лисиче со 823 микрограми, Центар 676, Карпош 498 и Гази Баба 446.
Во Кавадарци во текот на ноќта концентрациите ПМ10 изнесувале 264.
Утрово најзагадено е во Тетово со измерени 342 микрограми, во Центар 297, во Лисиче 286, Гази Баба 237, Битола 199 и кавадарци 64 микрограми на метар кубен.