Ветеринарната комора, Агенцијата за храна и ветеринарство и Факултетот за ветеринарна медицина утре ќе одржат итен состанок со цел координација на активностите за преземање на превентивни мерки во однос на опасноста за појавување болеста „африканска чума“ кај свињите во Македонија.
„Поради непосредната опасност од избивање на болеста „африканска чума“ кај свињи на територијата на нашата држава, со цел координација на активностите на ветеринарните друштва вклучени во работите од јавен интерес , нивната улога и задача во контекст на преземање на превентивни мерки против оваа особено опасна, заразна болест, Ветеринарната комора утре организира координативен состанок со претставници на Агенцијата за храна и ветеринарство и Факултетот за ветеринарна медицина при УКИМ-Скопје.“, се вели во соопштението од Ветеринарната комора.
Состанокот ќе се одржи во хотелот Континентал.