СДСМ презентираше аудио материјал за кој посочи дека е помеѓу Мендух Тачи со Сашо Мијалков каде како што рекоа Тачи изјавува дека ќе биде верен до смрт.
Во разговорот според СДСМ, Мијалков бара од Тачи, членот од ДПА во ДИК да гласа како поддршка на ВМРО-ДПМНЕ за Струмица.
По ова според СДСМ, Тачи телефонски контактира и дава налог како да се гласа во ДИК и да се даде поддршка за Струмица, во замена за поддршка од ВМРО-ДПМНЕ за Чаир.
Беше презентиран и разговор за кој беше посочено дека е помеѓу Мијалков и Муса Џафери за Управниот суд, за судијка која е претседавач за предметот по жалба за гласањето во Доленени.
Разговор помеѓу Муса Џафери и Сашо Мијалков
МЏ: Таа Виолета, не знам како се вика таму чека на вас. На Управен, така рекла.
СМ: Мхм, Виолета. Која е таа Виолета? Како се вика?
МЏ: Па, потпретседател е на Управен суд. Ми се чини Виолета, не знам како понатаму. И рекла, ај нека ми спомнат, таа преседава со предметот Долнени. Тоа, жалба, како се вика.
СМ: Да. Ок, ајде тогаш јас кога ќе се сретнам со овие сега во 3 саат, и ќе те барам.
МЏ: Јас ќе бидам, ќе го сретнам еден пријател за случајот, тука во градот.
Разговор помеѓу Мендух Тачи и Сашо Мијалков
СМ: Мендух, што правиш?
МТ: Еј, здарво.
СМ: Добар си ми?
МТ: Не те барав бе за ништо, не се плаши.
СМ: Нееее, ти можеш да ме бараш за што сакаш мене.
МТ: Само да ти кажам тука сум, ако треба нешто, кажи.
СМ: А?
МТ: Тука сум, ако треба нешто, кажи, за сé, до смрт.
СМ: Добро бе, важи.
Разговор помеѓу Мендух Тачи и Сашо Мијалков
СМ: Мендух…
MТ:Кажи
СМ:Шо праиш?
МТ: Еве тука седам со луѓе
СМ:Имам една хитна ургенција за тебе.
МТ: Да
СМ: Може ли да гласате за нас сега за Струмица? Да не…
МТ: У Комисија?
СМ: Да у ДИК.
МТ: Да може еве да се јавам одма
СМ: Ама треба тоа сега одма да се почне сеа за 5 минути ние одложуваме малце…
МТ:Одма одма…Одма, одма се јавувам за минута и ти кажувам.
СМ: Ајде ајде.
Разговор помеѓу Мендух Тачи и Бедредин Ибраими
МТ: Сега Струмица ви е на ред, така?
БИ: разговораме за тоа.
МТ: Ќе гласаш за овие… да се поништат?
БИ: …за две минути…
МТ: Да гласаш да се поништат бидејќи се договоривме за Чаир.