„Општина Центар ја известува јавноста дека денеска се извршуваа решенија – извршни управни акти на овластените градежни инспектори на општината. Овие решенија се донесени во 2017-та и почетокот на 2018-та година и денешното извршување е во рамки на акцијата на општината за справување со нелегално поставената урбана опрема.
По бројните жалби на жителите на општината и по донесувањето на решенијата, на засегнатите страни им беше оставен простор од повеќе од 6 месеци самите да постапат и да ги отстранат незаконски поставените објекти. Бидејќи истите тоа не го сторија, општината пристапи кон административно извршување на донесените управни акти.
Акцијата на општина Центар за справување со диво поставената урбана опрема, односно терасите пред угостителските објекти, ќе продолжи и во наредниот период, со цел ослободување и нормализирање на сообраќајот на луѓе и на возила на целата територија на општината“ се вели во соопштението на Општина Центар.