Политичарите но и граѓаните да не го злоупотребуваат ликот и делото на Тоше реагираат од семејството Проески.
По објавената снимка на СДСМ со која опозицијата тврди дека владини министри разговараат за неговото семејство, во телефонски разговор за 24 Вести неговиот татко Никола Проески вели дека е разочаран што неговото име се спомнува за политички цели и бара вистината да излезе на виделина.
На снимката што ја објави СДСМ вчера опозицијата тврди дека Министрите Канческа Милевска и Јанакиевски се бесни поради тоа што семејството Проески не им давало јавна поддршка, дури се оспорува и помошта која фондацијата ја добивала од државата.
