Навивачите на Вардар, Комити, преку социјалните мрежи ги повикуваат граѓаните денеска да излезат на протест пред Собранието на Република Македонија бидејќи, како што велат, државата е нападната од внатрешни квинслинзи и странски агресори како и да се покаже дека идеалот за слобода се уште живее кај граѓаните.
„Почитувани граѓани на Република Македонија, во овие тешки моменти за нашата татковина Македонија, која е жестоко нападната од внатрешни квинслизни и странски агресори, кои со сила и геноцидни методи сакаат да ни го сменат; идентитетот, нацијата, јазикот, историјата…
Ве, повикуваме да ги оставите: вашите клубски обележја, партиските книшки, меѓусебните проблеми, заборавете на разликите помеѓу Вас. Ве повикува вашата Македонија да ја одбраните. Соберете ги вашите родители, браќа, сестри, роднини, пријатели. Дојдете денес пред Собранието на Република Македонија – да покажеме дека идеалот за слобода се уште живее во нашите срца.
Протестен собир: Собрание на Република Македонија, 20:00 часот.
Нашата револуција нема боја има име, а име и е Македонија!!“, напишаа од навивачката група на социјалните мрежи.
