Вчера, среда, 08.04.2015 година, во попладневните часови во просториите на Високата школа за новинарство и за односи со јавноста се случи вербален инцидент меѓу двајца студенти Бобан Нонковиќ и Петрит Сарачини.
Причината за инцидентот е нивно претходно меѓусебно лично несогласување, надвор од институцијата. Студентот Нонковиќ поднесе барање за поведување дисциплинска постапка против студентот Сарачини.
Институцијата, во согласност со Статутот и правилниците за работа, итно свика Наставно-научен совет кој ќе се одржи веднаш по празниците за да формира Дисциплинска комисија која ќе го разгледа случајот и ќе преземе соодветни мерки во согласност со своите акти, велат од Високата школа за новинарство и за односи со јавноста.