Загина 89-годишен жител на Росоман, во него удри товарно возило, изјави портпаролката на Секторот за внатрешни работи – Велес, Ана Милевска Ѓеоргиева.
– Денеска во ОВР – Кавадарци пријавено е дека во 18:55 часот на регионален пат Градско – Прилеп, во Росоман, товарно возило „сканиа“ со кавадаречки регистарски ознаки со приколка управувано од Р.Љ., на возраст од 45 години од Кавадарци, удрило во пешак К.Ѓ., на 89-годишна возраст од Росоман. Од повредите, на местото на несреќата починал пешакот, а смрт констатирал лекар од Итна медицинска помош – Кавадарци – појасни таа.
Известен бил јавен обвинител и во тек е увид од страна на увидна екипа од ОВР – Кавадарци.
Во моментов, сообраќајот на регионалниот пат Градско – Прилеп е во прекин и се пренасочува по регионалните патни правци Р103 и Р107.
