Околу четири хектари борова шума изгореа во пожар кој избувнал вчера околку 18:30 часот над липковското село Слупчане, соопшти денеска РЦУК.
Поради непристапниот терен екипите на ТППЕ Куманово не можеле да интеревенираат, информира во дневниот билтен Регионалниот Центар за управување со кризи – Куманово.
– Пожарот целосно е изгаснат околу 22:00 часот од страна на петмина вработени од „Македонски шуми“, изјави денеска, директорот на кумановската подружница на ЈП „Македонски Шуми“, Ваит Саити. Тој нагласи дека и лани над Слупчане гореше борова шума, но на спротивна локација од сегашната.
Причината за настанување на пожарот и предизвиканата материјална штета засега не се познати.
