Експретеседателот Ѓорге Иванов реагира откако Антикорупциската комисија даде препорака до Владата да се раскине договорот за закуп на неговите деловни простории. Иванов трврди дека претседателката на ДКСК, Билјана Ивановска манипулира со јавноста, бидејќи како што вели, просторот се изнајмува за 1950 евра месечно, а не за 4500 евра.
„Договорот кој го склучи Службата за општи и заеднички работи со наша согласност следи врз основа на законот. Според тоа што ни беше укажано од СОЗР тие процедурата ја спроведуваат на идентичен начин и правила кои според нивните кажувања важеле за сите поранешни претседатели. Очигледно е дека личниот анимозитет и политичките ставови на поранешниот Претседател на Република Македонија, д-р Ѓорге Иванов, се единствената причина за континуираниот обид за нанесување штета на угледот на поранешниот претседател Иванов“, пишува Иванов на социјалните мрежи.
Поранешниот претседател Иванов ја повика Антикорупциската комисија да се произнесе за неговата имотна состојба и становите кои се споменуваа во јавност.
„Бидејќи манифестира „ефикасност и транспарентност“ доволно ѝ беа пет месеци за да ја утврди имотната состојба на поранешниот претседател Иванов и да ја изнесе вистината пред македонската јавност. Ивановска треба да констатира дека поранешниот претседател Иванов има само еден стан, за кој што има подигнато кредит, а не повеќе станови, како што таа претходно манипулираше со јавноста. За таа цел, поранешниот претседател Иванов ѝ ги достави сите сметки и уплати за единствениот стан, а воедно, се откажа и од тајноста на банкарските сметки“, додава Иванов.