Градоначалникот на Центар, Андреј Жерновски, заедно со младите, денеска ги чистеа нагрдените и со спреј ишарани улици, ходници и врати во населбата Капиштец.
Граѓаните побараа се да се врати во првобитна положба. Револтирано говорат за вчерашниот ден, кога виделе дека млади партиски активисти, како што велат, од владејачката партија, како со спреј ги нагрдуваат објектите. Ова, велат, е направено за да создаде отпор кај граѓаните да гласаат за кандидатот на опозицијата.
Жерновски рече дека вакво нешто не смее веќе да се случи и дека ќе биде градоначалник на сите.
