Според соопштението на израелската служба за итни случаи Маген Давид Адом, две лица се убиени, а 19 се ранети во ирански ракетен напад што погоди област во близина на станбени згради во Ришон Лезион, јужно од Тел Авив. Претходно беше наведено дека едно лице го загубило животот.
Третата жртва е жена која почина откако беше погодена од парче ракета за време на претходниот бран ирански напади синоќа.
Полицијата соопшти дека таа била прогласена за мртва на местото на настанот во градот Рамат Ган, источно од Тел Авив.
Да потсетиме дека вчера Израел изврши напади врз ирански воени и нуклеарни цели низ целиот Иран, вклучувајќи ги и објектите во Техеран, Исфахан и Тебриз, а во нападите беа убиени високи функционери и нуклеарни научници.
Иран одговори со лансирање балистички ракети кон Израел.
Ова е најтешката директна конфронтација меѓу Израел и Иран во последните години.