Портпаролот на израелската војска денес изјави дека новинарите кои работат за Ројтерс и АП не биле цел на вчерашниот израелски напад врз болница во Газа, во кој загинаа најмалку 20 лица, вклучувајќи пет новинари.
„Можеме да потврдиме дека новинарите на Ројтерс и АП не беа цел на нападот“, рече портпаролот, објави Ројтерс.
Израелските одбранбени сили (ИДФ) денес објавија дека прелиминарната истрага за нападот врз болницата Насер во Кан Јунис открила дека палестинското милитантно движење Хамас поставило камера за надзор на локацијата за да го следи движењето на израелските војници и да помогне во насочувањето на нападите врз војниците.
ИДФ вели дека силите на Бригадата Голани, кои дејствуваат во градот во јужниот дел на Појасот Газа, ја идентификувале камерата во болничкиот комплекс и ја уништиле откако утврдиле дека претставува непосредна закана, објавува „Тајмс оф Израел“.
Во нападот врз болницата Насер во понеделник загинаа повеќе од 20 лица и предизвика меѓународна осуда.