Синоќа , пред зградата на Сарајот Ресен, свечено беа доделени наградите на најуспешните изведби, на актери и групи од различни европски земји, од годинешниот Мегународен театарски фестивал “Актерот на Европа – 2023”.
Меѓународната жири комисија, во сосотав: Мето Јовановски, претседател, Назиф Услу (режисер од Турција), Елена Трајковска, актерка и Атила Клинче, актер и универзитетски професор донесе едногласна одлука:
Наградата „Млада Европа“ се доделува на меѓународниот проект под покровителство на УНЕСКО – „Среќата е нова идеја во Европа“ со учество на млади актери од Србија, Црна Гора, Босна и Херцеговина, Албанија и Македонија.
Наградата “Жак Лакариер” се доделува на Кане Кампман и Брајан Мајкалс од Германија за претставата „Разоткривање на минатото – Комуникација во и за Холокаустот“.
Наградата за најдобар драмски текст се доделува на Гоце Ристовски за дуодрамата „9“.
Наградата „Преспански Дионис“ се доделува на Наташа Петровиќ од Србија, за претставата „Чучук Стана“ на Народниот театар на Тимочка Краина „Зоран Радмиловиќ“ од Заечар.
Награда за најдобра претстава во целина се доделува на претставата „Во името на таткото“ во продукција на “Арт театарот” од Цирих, Швајцарија, со актерот Даут Ахмети, на текст од Ридван Дибра, во Режија Сулејман Рушити.
Годишната наградата “Актер на Европа” за 2023 година се доделува на Слободан Маруновиќ, Црна Гора, за улогата во претставата „Последниот час на Његош“, работена по текст на Слободан Томовиќ, а во режија на Благота Ераковиќ, проект на “Народниот театар” од Подгорица.
Меѓународната жири комисија во сосотав: Мето Јовановски, претседател, Назиф Услу (режисер од Турција), Елена Трајковска, актерка и Атила Клинче, актер и универзитетски професор донесе едногласна одлука:
Фестивалот, свечено беше отворен на 6 јули со врачување на нагрдата за животно дело “Актер на Европа” на легендарната унгарска актерка Енико Есењи.