Со концерти на корејскиот рок бенд Џамбинаи и африканскиот состав Басеко Којате и Нгони Ба вечерва почнува 14. издание на музичкиот фестивал „Оф- фест“.
Фестивалот ќе се одржи во Младинскиот културен центар, а ќе трае до 1 јуни.
Утре во киното Фросина ќе биде проектиран документарниот филм „Je chanterai pour toi“, на режисерот Жак Сарасин. Тоа е филм за Бубакар Траоре, кој потоа ќе одржи концерт. В сабота ќе настапат португалката Лула Пена и мароканката Хинди Зара. Традиционално претставување на македонски групи ќе има во недела, кога Чалгија саунд систем ќе го промовира новиот материјал.
Фестивалот ќе заврши во понеделник со проекција на документарниот филм „The last song before the war“ во режија на Кили Краскоскас. Веднаш потоа концерт ќе одржат познатите пустински рокери Тинаривен.