Со премирата на претставата ,,Најважната работа на светот,, во режија на Љубиша Ѓоргиевски вечерва ќе се означи почетокот работата на новиот театар во Велес “Јордан Хаџи Константин Џинот“.
Претставата е работена по текст на Братислав Димитров, а учествува и целиот ансамбл на велешки театар составен од 19 актери. Во претставата играат и актерите Ирена Ристиќ, Зоран Љутков и Благоја Чоревски.
Синоќа љубителите на театарот од Велес неколку подолго време чекаа во редици за билет за “Најважната работа на светот“.
-Ова е голем настан за Велес, театарот слави 66 години постоење, а значајно е што тоа се одбележува и со нов објект. Велес секогаш имал сериозна и голема театарска публика. На премиерата вечерва во Велес своето присуство го најајавија многу гости и доајени на уметноста меѓу кои Милица Стојанова, Љупка Џундева, Ристо Стефановски и Иван Ивановски, доаѓаат сите директори на националните театри. Премиерата ќе ја проследат и претседателот и премиерот рече Васил Зафирчев, уметнички директор на Велешкиот театар.
Драмскиот текст „Најважната работа на светот“ напишан во жанрот комедија, од понудените триесет текстови, беше изборот на комисијата за да се означи стартот на новата зграда на театарската уметност уште во септември годинава. Сценографијата е на Валентин Светозарев, а костимографијата на Мери Георгиевска.