Основното јавно обвинителство за гонење на организиран криминал и корупција, соопшти дека по објавите во медиумите за евентуални злоупотреби при доделување на грантови по Јавен повик од Фондот за иновации и технолошки развој, одлучило да оформи предмет, по допрен глас.
„Обвинителството презема дејствија за утврдување на факти во предметот, а во врска со евентуални сторени кривични дела во постапката по јавен повик за финансирање проекти во рамки на третиот столб од Планот за економски раст – прв инвестициски бран“-стои во соопштението од јавното обвинителство.