Во Владата на Република Македонија денеска ќе биде одржан првиот од серијата Отворени денови за иницијативи на граѓански организации: „Практики на соработка меѓу Владата и граѓанските организации – како да се подобриме?“.
На првиот Отворен ден ќе се дискутира за постоечките добри практики и механизми за соработка меѓу Владата и граѓанските организации. Во дебатата ќе учествуваат претседателот на Владата Зоран Заев, министерот за информатичко општество и администрација Дамјан Манчевски, директорот на Агенцијата за млади и спорт Дарко Каевски и претседателката на Советот за соработка со и развој на граѓанскиот сектор, Фани Каранфилова – Пановска, соопшти владината прес-служба.