Со измените на Законот за земјоделство и рурален развој се овозможува продолжување на обесштетувањето на сточарите чии добиток минатата година угина од „јазлеста кожа“.
Опфатени ќе бидат вкупно 241 сточар, за што се обезбедени 15 милиони денари.
– Досега, според Законот, обесштетување можеа да добијат само сточарите на кои говедата им беа одземени или принудно усмртени поради болеста, но не и оние чии грла угинаа додека ги чекаа надлежните ветеринарни служби, рече денеска министерот за земјоделство, шумарство и водостопанство Љупчо Николовски на прес-конференцијата по средбата со директорот на Платежната агенција Николче Бабовски.