Гасификацијата и чистата вода за пиење се само некои од нашите приоритети, најави од Крива Паланка носителката на советничката листа од Коалицијата за локални избори предводена од СДСМ Изабела Павловска.
– Здравјето на луѓето нема цена. Сите заслужуваме да живееме во чиста животна средина, да дишеме чист воздух и да пиеме и употребуваме чиста и здрава вода. Ќе направиме замена на азбесните цевки за да добиеме здрава и чиста вода за пиење. Ќе направиме и пречистителна станица за отпадни води за да добиеме чиста почва, а со тоа и чиста и здрава храна. Тоа се основните потреби за водењето здрав живот, изјави Павловска.
Паланчани, рече, плаќаат високи сметки за вода и комунални услуги, а во приградските средини недостасуваат контејнери.
– Повеќето улици воопшто не се чистат од страна на надлежните. Тоа ќе го смениме. Поставуваме нови контејнери онаму каде што нема. Се обврзуваме, постојано и навремено да ги оддржуваме депониите и каналите, а ќе ја дислоцираме и грдската депонија, додаде Павловска.
Според неа, гасификацијата е еден од приоритетите за кои се обврзуваат дека ќе се реализира, за поевтини трошоци за граѓаните, но и за чиста животна средина и чист воздух.