Градежните компании во првите шест месеци од годинава договориле за 13,9 проценти помалку работа во странство во оснос на првото полугодие лани.
Според објавените податоци на Државниот завод за статистика, од јануари до јуни 2017 година вкупната вредност на договорени градежни работи во странство изнесува 2.300.778 илјади денари, што е за 13.9% помалку во споредба со истиот период од претходната година.
Во наведениот период, градежната оператива од Република Македонија во странство извршила градежни работи во вкупна вредност од 757.025 илјади денари, што е за 23,9 отсто помалку во споредба со истиот период од претходната година.
Во истиот период е забележан зголемен обем на извршените градежни работи во Холандија и Германија.