Државната изборна комисија (ДИК) соопшти дека е известена за потпишаното Решение за распишување на локалните избори од страна на претседателот на Собранието и дека очекува документот да и биде доставен и да биде објавен во Службен весник на Република Македонија.
– По објавувањето на Актот за распишување на локалните избори во Службен весник , Државната изборна комисија ќе одржи седница на која ќе биде усвоен Календар – роковник со кој ќе бидат утврдени изборните активности и роковите за нивно спроведување, по што ќе започне спроведувањето на локалните изборите, соопшти ДИК и додаде дека навремено ќе информира за преземање на сите активности за организирање и спроведување на изборите.