По повод почетокот на новата учебната година Движењето БЕСА на сите ученици им посакува успешна учебна година, а особено на тие кои за прв пат се упатуваат во училишните средини. Тие се запознаваат со еден нов свет во кој ќе стекнат нови знаења. Но, не сите деца ја имаат истата судбина да учат во современи наставни околности и услови.
Во оваа насока, децата кои живеат во албанските населби, во повеќето случаи, се дискриминирани и се соочуваат со недостиг на елементарни средства и услови. Иако овој ден требаше да биде среќен и радосен ден на почетокот новата учебна година, Движењето БЕСА ќе ве извести за некои од проблемите со кои се соочуваат училиштата со настава на албански јазик:
• Како последица на лошата Албанска политика воопшто во Македонија, еден голем број на Албанци ја напуштија својата земја со што е намален и бројот на албанските ученици во албанските училишта.
• Секаде се чувствува недостаток на градинките за предучилишно образование.
• Во многу училишта се чувствува недостаток на основните услови, како што се водата за пиење и санитарните услови во училишниот простор.
• Недостигаат потребните образовни средства за реализација на современа настава.
• Недостигаат соодветните спортски објекти или нема воопшто сали за физичко образование.
• Училиштата се далеку од живеалиштата и децата имаат тешкотии за да патуваат до училиштето, особено во текот на зимата.
• Дури и во училиштата во кои повеќето од учениците се Албанци, има несоодветна застапеност на наставниот кадар, стручната служба и управувањето на училиштата.
• Паралелките со настава на албански јазик се преоптоварени со ученици со над 34 студенти, додека во паралелки со настава на македонски јазик има и со 9 до 19 ученици.
• Училишните објекти се стари и училишниот инвентар е многу застарен.
• Реализацијата на комбинирана настава е проблем како последица на малиот број на учениците.
• Кај ученици Албанци, наставата по англиски јазик ја реализираат со македонски наставници.
• Сите ученици немаат можност да го следат средното стручно образование.
• Имаме екстремна политизација и партизација на училиштата и влијание на политиката врз избирање на наставниот кадар.
Училиштата страдаат поради недостатокот на добри учебници и едукативни четива. За да ви биде појасна ситуацијата на албанското образование, направивме еден краток осврт на состојбата во општините со албанско мнозинство, коja ќе ви ја доставиме заедно со ова соопштение, во кој ги земавме предвид само главните проблеми кои го попречуваат развојот на наставата, бидејќи проблемот на албанското образование е многу посуштински од ова. Доволно е да се погледнат учебниците за да се види кој е идентитетот на албанското образование во Македонија. И целата ова ситуација дојде и покрај фактот дека албанската партија на власт неколку пати по ред ја има управувано со Министерството за образование и наука. Оваа долга листа на недостатоци и пропусти во албанските училишта нам како Движење БЕСА не не прави да се чувствуваме добро, но ќе послужи како појдовна точка кон целта на решавањето на овие проблеми и за да се направи училиштето едно место полно со лубов за децата и центар кој ќе зрачи знаење за секое дете. Движењето БЕСА смета дека за едно здраво општество мора да се има здраво образование, затоа ќе работи со посветеност за да се постигне и исполни оваа цел.