„Синот на висок функционер во државата, ни се закануваше“. Вака, видно вознемирени жители на Ѓорче Петров, за А1он раскажуваат што доживеале.
По сообраќајната несреќa, која се случила синоќа на улица „4 јули“ во Ѓорче Петров, жителите излегле да видат што се случува и да им помогнат на повредените. Еден од нив, медицинско лице, откако пружил помош, изреагирал дека ова се случува бидејќи се тргнати лежечките полицајци, за да може високиот функционер брзо да минува со службените возила.
Синот на функционерот, кој се затекнал тука и сам кажал кој му е татко, на граѓанинот му рекол: „Имаш среќа што не знам од чија страна се сега полицајциве, инаку парче ќе те направевме од ќотек. Ќе видите што ќе ви се случи“.
По ова почнал да се распрашува за идентитетот на граѓанинот. Денеска од полициската станица во Ѓорче Петров, добил покана да се јави на разговор во недела, во 20 часот и 30 минути во полициската станица, поради поплака.
Сопругата на жителот на Ѓорче Петров, која, заедно со неколкумина, била сведок, го пријавила настанот и заканите во полиција.
И таму, вели таа за а1он и кажале за кое лице се работи.
Синот на функционерот, и рекле пријавил во полициска станица затоа што, граѓанинот, се заканувал дека ќе го ликвидира неговиот татко- функционер.
А1 го има идентитетот на сите инволвирани во случајот.